Oyunçu 786

Mansukh ailəsinə məxsus nikah agentliyində çalışsa da, indiyə qədər qurduğu heç bir cütlük evlənə bilməyib. Atasına bacarıqlı olduğunu sübut etmək istəyən gənc olduqca mürəkkəb bir tapşırığa qol qoyur. O, Pəncabda yaşayan və nömrələrlə adlandırılan qəribə ailənin üzvü Bahattara xanım tapmalıdır. Ətrafda pis reputasiyaya malik olduqları üçün yerli qızlar Bahattara ərə getmir, bu üzdən digər qohumlar həyat yoldaşlarını xaricdən gətirməli olublar.

Mansukh oğlana mafiya başçısı TTT-nin bacısı İndunu ərə verməyi qərara alır və hər iki tərəfə yalan danışır. O, cinayətkar qardaşı polis komissarının müavini kimi qələmə verir, qız evinə isə bəyin ailəsinin asayiş keşikçisi olduğunu söyləyir. Əslində isə hər iki tərəf qanundan kənar fırıldaqçılardan ibarətdir və indi bir-birlərinin qarşısında polis rolunu oynamağa məcbur qalırlar.

«Khiladi 786» filmi 2012-ci ildə Hindistanda istehsal olunub. Əsərin rejissoru Aşısh R. Mohandır. Baş rollarda Akshay Kumar, Asin, Mithun Çakraborti və Rac Babbar çəkiliblər.