Raavan

Klassik hind rəqsləri müəllimi olan Raqini polis zabiti Dev ilə evlidir. Meşələrdə gizlənən üsyançıların lideri Bira isə bacısının ölümünə görə məhz Devdən qisas almaq niyyətindədir. O, intiqam məqsədilə zabitin xanımını qaçıraraq öz düşərgəsinə aparır.

Həyat yoldaşını xilas etmək istəyən Dev yerli polis qüvvələrini səfərbər edib cəngəlliklərin dərinliyinə doğru yola düşür. Əsirlikdə qaldığı müddətdə Raqininin qəlbində onu girov götürən Biraya qarşı gözlənilməz hisslər oyanır. İki tərəf arasında toqquşma yaxınlaşdıqca qadının hansı tərəfi seçəcəyi müəmmalı qalır.

Hindistan istehsalı olan macəra və döyüş filmi «Raavan» 2010-cu ildə rejissor Mani Ratnam tərəfindən lentə alınıb. Baş rolları Abhişek Baççan, Ayşvariya Ray Baççan, Çiyan Vikram və Qovinda canlandırıblar.