Atəş altında

1950-ci ilin avqust ayında Koreya müharibəsi kəskin mərhələyə qədəm qoyur. Cənubi Koreya ordusu Şimali Koreya qüvvələrinin hücumları altında geri çəkilərək cəbhə xəttini Naktong çayı sahilində qurmağa çalışır. Həmin vaxt Pohandakı məktəb binasını qorumaq tapşırığı yetmiş bir tələbə-əsgərdən ibarət bölüyə həvalə olunur.

Döyüş təcrübəsi olmayan bu gənclərin qarşısında rəqibin irəliləməsini mümkün qədər yubatmaq vəzifəsi qoyulur. Qarşı tərəf həm say, həm də hərbi hazırlıq baxımından xeyli üstündür. «Pohwasogeuro» filmi təcrübəsiz gənclərin strateji məntəqədə göstərdiyi müqaviməti əks etdirir.

Tarixi hərbi dramın rejissoru Con H. Lidir. Cənubi Koreya istehsalı olan bu ekran əsərində əsas rolları Çhve Sın-hyon, Kvon San-u, Çha Sın-von və Kim Sın-u canlandırıb. Film 2010-cu ildə nümayiş olunub.