Biz əsgər idik

Vyetnam müharibəsi uzandıqca tərəflər daha çox canlı qüvvə və resurs sərf etməli olur. Polkovnik-leytenant Harold Mur hava-desant diviziyasının tərkibindəki xüsusi batalyona komandir təyin edilir. Zabit öz döyüşçüləri ilə birlikdə cəbhənin çətin və təhlükəli bölgəsinə yollanır.

İlk böyük qarşıdurma amerikalılar üçün ağır sınağa çevrilir. Cəmi 395 hərbçidən ibarət olan Amerika qrupu düşmən tərəfindən tam mühasirəyə alınır. Say baxımından qat-qat üstün olan qarşı tərəflə qanlı döyüş qaçılmaz hala gəlir.

2002-ci ildə çəkilmiş «We Were Soldiers» tarixi hərbi dram filminin rejissoru Rendall Uollesdir. Layihə ABŞ, Böyük Britaniya, Almaniya və Fransanın birgə istehsalıdır. Filmdə əsas rolları Mel Gibson, Medelin Stou, Qreq Kinnir və Sem Elliott canlandırıblar.