Hesabdar

Kristian Vulf autizm sindromuna və inanılmaz riyazi istedada sahib bir mütəxəssisdir. O, öz bacarıqlarından ən təhlükəli cinayətkar qruplaşmaların gizli maliyyə hesabatlarını yoxlamaq üçün istifadə edir. Lakin Rey Kinqin rəhbərlik etdiyi Maliyyə Nazirliyinin cinayətkarlıqla mübarizə şöbəsi onun izinə düşür.

Diqqəti üzərindən yayındırmaq istəyən Kristian qanuni bir müştəri tapır və müasir robototexnika istehsal edən şirkətin auditini aparmağa razılaşır. Həmin şirkətin mühasibatlıq işçisi sənədlərdə milyonlarla dollarlıq çatışmazlıq aşkarlamışdı. Kristian hesablara dərindən baxıb sirri açmağa başladıqca ətrafdakı insanlar bir-bir həyatını itirir.

«Hesabdar» (The Accountant) filmi 2016-cı ildə ABŞ-da rejissor Qevin O'Konnor tərəfindən çəkilib. Kriminal dram və döyüş janrındakı ekran əsərində baş rolları Ben Afflek, Anna Kendrik, C.K. Simmons və Con Berntal canlandırıblar.