Daşıyıcı

Keçmiş hərbçi Frenk Martin Fransa sahillərində fərdi sifarişləri çatdırmaqla məşğul olur. O, öz işini dəqiqliklə yerinə yetirir və müştərilərə etibarlı xidmət təklif edir. Martin işində üç dəqiq prinsipə söykənir: şərtləri dəyişməmək, müştərilərin adlarını soruşmamaq və yükün içindəkinə heç vaxt baxmamaq.

Uoll Strit ləqəbli sifarişçinin yükünü apararkən Frenk bağlamanın hərəkət etdiyini görür. İllərdir əməl etdiyi qaydaları pozaraq kisəni açan sürücü orada qadın olduğunu anlayır. Həmin xanım isə tanınmış Çin mafiya başçısının qızıdır.

«The Transporter» filmi rejissorlar Lui Leterrye və Kori Yuen tərəfindən ekranlaşdırılıb. 2002-ci ildə nümayiş olunan bu ABŞ və Fransa ortaq istehsalı döyüş filmi eyniadlı franşizanın əsasını qoyub. Əsas obrazları Ceyson Steytem, Şu Tsi, Fransua Berlean və Mett Şultse canlandırıblar.