Elite Squad

«Elite Squad» filminin hadisələri 1997-ci ildə Rio-de-Janeyro şəhərində cərəyan edir. Roma Papasının səfəri ərəfəsində xüsusi təyinatlı BOPE batalyonu yaxınlıqdakı gecəqondularda fəaliyyət göstərən narkotik dəstələrini zərərsizləşdirmək tapşırığı alır. Əməliyyata rəhbərlik edən kapitan Nasimentu tezliklə ata olacağı üçün xidməti tərk edib yeni çağırışçıların təlimçisi olmağı düşünür.

O, təhlükəli missiyalarda öz yerinə keçə biləcək layiqli davamçı axtarışına çıxır. Qərarlı və hərəkət adamı olan Netu ilə qanunlara inanan idealist Andre Matias bu vəzifə üçün əsas namizədlər sırasındadır. Kapitan bu iki gənc polis arasından seçim etmək məcburiyyətində qalır.

Ekran əsərinin rejissoru Joze Padilyadır. Braziliya, ABŞ, Argentina və Niderlandın birgə istehsalı olan layihədə baş rolları Vaqner Moura, Andre Ramiru, Kayo Junkeyra və Milyen Kortas canlandırıb.