İlk qisasçı: Qarşıdurma

Superqəhrəmanların iştirak etdiyi növbəti əməliyyat dağıntılara və beynəlxalq miqyasda narazılığa səbəb olur. Nəticədə hökumətlər fövqəltəbii güclərə malik şəxslərin fəaliyyətini nəzarətə götürmək qərarına gəlir və onları BMT-yə tabe etdirən xüsusi qeydiyyat sənədi hazırlayır.

Stiv Rocers bu tələbi vətəndaş azadlıqlarının pozulması kimi qiymətləndirərək yeni rejimə tabe olmaqdan imtina edir. Toni Stark isə hökumət nəzarətinin zəruri olduğunu düşünür və sənədi dəstəkləyir. Tərəflər arasında yaranan kəskin fikir ayrılığı keçmiş müttəfiqləri qarşı-qarşıya qoyur, bu arada Baron Zemo yaranmış parçalanmadan istifadə edərək öz planlarını qurur.

«Captain America: Civil War» adlı fantastik döyüş filmi rejissorlar Entoni Russo və Co Russo tərəfindən çəkilib. 2016-cı ildə ABŞ və Almaniyanın birgə istehsalı kimi təqdim edilən layihə Marvel Kinematoqrafiya Kainatına aiddir. Baş rolları Kris Evans, Robert Dauni kiçik, Skarlett Yohansson və Sebastyan Sten canlandırıblar.