Henkok

Fövqəlbəşər qabiliyyətlərə malik olan Henkok çətinə düşən insanları xilas etməyə çalışsa da, hər cəhdi şəhərdə böyük dağıntılarla nəticələnir. Əhali canlarını qurtardığı üçün ona minnətdar olsa da, vurulan saysız zərərlər insanların səbrini tükəndirir. Qəhrəmanın özü isə məsuliyyət hissini dərk etmir və ictimaiyyətin tənqidlərinə əhəmiyyət vermir.

Gözlənilmədən hər şey ictimaiyyətlə əlaqələr mütəxəssisi Reyin xilası ilə yeni məcraya yönəlir. Bu hadisədən sonra Henkok bəzi məqamlarda zəif və həssas ola biləcəyini anlayır. Bu həqiqətlə barışmaq asan olmur, xüsusən də Reyin həyat yoldaşı Meri onun düzələcəyinə heç inanmadığı üçün vəziyyət daha da qəlizləşir.

Fantastik döyüş və komediya filmi olan «Hancock» rejissor Piter Berq tərəfindən 2008-ci ildə ABŞ-da çəkilib. Ekran əsərində baş rolları Uill Smit, Şarliz Teron, Ceyson Beytman və Cey Hed canlandırıb.