İki qızla

İspaniyaya psixologiya təhsili almağa yollanan Akanşa kirayə qaldığı otaqda təsadüfən başqasına məxsus bir gündəlik tapır. Bu qeydlər ona Kömala ilə Sancunun səmimi sevgisini addım-addım açır. Qız yad insanların duyğularını maraqla oxuyaraq vərəqləri bir-bir çevirir.

Çox keçmədən yazılardakı hekayə həqiqətə çevrilir və Akanşa qəfildən gündəliyin qəhrəmanı olan Sancu ilə üz-üzə gəlir. Gəncin daxilindəki gizli kədər qızın diqqətini dərhal cəlb edir. Lakin gündəlikdə sevgisi alovlanan Kömalanın onun yanında niyə olmadığı sual doğurur.

2013-cü ildə Hindistanda istehsal olunmuş «İki qızla» (Iddarammayilatho) melodramatik döyüş filminin rejissoru Puri Caqannatdır. Əsas obrazları Allu Arcun, Amala Pol, Katrin Tresa və Nassar canlandırıb.