Centlmen

Xüsusi xəfiyyə Ci Hyon-su gənc bir müştərinin xahişi ilə onun keçmiş sevgilisinin bağ evinə yollanır. Məqsəd qızın itini geri almaq olsa da, müştəri qəfil yoxa çıxır. Nəticədə xəfiyyənin özü qaçırılma hadisəsində əsas şübhəli şəxsə çevrilir.

Onu saxlayan prokurorla birlikdə gedərkən qəzaya düşürlər və xəstəxanada onların şəxsiyyətləri qarışıq salınır. Əsl ittihamçı komada qaldığı müddətdə Hyon-su onun adından istifadə etmək qərarına gəlir. O, prokuror cildinə girərək itkin düşmüş qızı tapmaq üçün axtarışa başlayır.

Cənubi Koreya istehsalı olan «Jenteulmaen» filmi 2022-ci ildə ekranlara çıxıb. Döyüş və cinayət elementləri daşıyan detektivin rejissoru Kim Qyon-vondur. Əsas rolları Çu Ci-hun, Pak Son-un, Çhve Son-ın və Kan Hon-sok canlandırıb.