Xamelyon

Toni heç nədən qorxmayan və verdiyi vədi hər vəchlə yerinə yetirən biridir. Niharika ilə onun yolları Kəşmirdə kəsişir, lakin həmin vaxt romantika üçün heç bir şərait olmur. Toni qızı terrorçuların əlindən qurtarmaq məcburiyyətində qalır.

Bir müddət sonra Toni Heydərabadda Niharikaya yenidən rast gəlir və arxasınca düşür. Qızın Rakeş adlı başqa biri ilə nişanlı olması onu qətiyyən narahat etmir. Hətta işlər elə gətirir ki, Toni nəinki onları ayırır, eyni zamanda Rakeşi və Mumbay mafiyasının öndə gedən siması Qardaş Acunun qardaşını qətlə yetirir. Niharikanın bu təhlükəli oyunda qurban və ya tələ olması müəmmalı qalsa da, Toninin planlarında xüsusi yer tutur.

Hindistan istehsalı olan «Oosaravelli» döyüş və dram filmi 2011-ci ildə ekranlara çıxıb. Ekran əsərinin rejissoru Surendra Reddidir, baş rolları isə Kiçik NTR, Tamanna Bhatiya, Prakaş Rac və Vidyut Camval paylaşıblar.