Kaththi

Kalkutta həbsxanasından on doqquz dəfə qaçmağı bacaran Katiresan artıq azadlıqdadır. O, doğma Çennai şəhərinə gələrək oradan birdəfəlik Banqkoka yollanmağı planlaşdırır. Lakin aeroportda gözlənilmədən qarşısına çıxan gözəl bir qız onun bütün fikrini dəyişir; o, biletini cırır və qızın telefon nömrəsini alır.

Bu gözlənilməz tanışlıq onun həyatını tamamilə başqa bir istiqamətə yönəldir. Katiresan heç tanımadığı bir insanın yerinə keçməyə və onun üzləşdiyi problemləri həll etməyə məcbur qalır. Nəticədə o, bütöv bir tamil kəndinin xilaskarı rolunu öz üzərinə götürür.

Hindistan istehsalı olan «Kaththi» döyüş filmi 2014-cü ildə rejissor A.R. Muroqados tərəfindən lentə alınıb. Ekran əsərinin baş rollarında Vicay, Samanta, Nil Nitin Mukeş və Tota Roy Çaudhari çəkiliblər.