Vəd

1914-cü ildə Birinci Dünya müharibəsinin başlaması Osmanlı imperiyasının tənəzzülü ilə üst-üstə düşür və Konstantinopol şəhəri qarışıqlığa bürünür. Tibb tələbəsi Mikael Boqosyan paytaxta təhsil almaq üçün gəlir. Onun əsas məqsədi fərqli icmaların uzun illər yanaşı yaşadığı doğma kəndinə qayıdıb həkimlik etməkdir. Burada o, rəssam Ana ilə tanış olur, lakin qadına amerikalı müxbir Kris Mayers də aşiqdir.

Tələbə ilə fotojurnalist arasındakı rəqabət imperiya daxilində milli azlıqlara qarşı təqiblər başladıqdan sonra əhəmiyyətini itirir. Qəhrəmanlar müharibənin gətirdiyi fəlakətlərlə üzləşərək sağ qalmaq və baş verənləri dünyaya çatdırmaq məqsədilə birləşməli olurlar.

ABŞ və İspaniyanın birgə istehsalı olan «The Promise» («Vəd») filmi 2016-cı ildə rejissor Terri Corc tərəfindən çəkilib. Hərbi dram janrında olan bu ekran əsərində baş rolları Oskar Ayzek, Şarlotta Le Bon, Kristian Beyl və Daniel Ximenes Kaço ifa edirlər.