Həbsxana

Frenk Leonenin cəzasının bitməsinə və azadlığa çıxmasına cəmi bir neçə ay qalıb. Nümunəvi məhbus olsa da, keçmişdə törətdiyi qaçış keçmiş həbsxana müdiri Dramqulun karyerasına ağır zərbə vurub. Şəxsi intiqam hissi ilə yaşayan həmin müdir Frenki özünün rəhbərlik etdiyi Qetvey cəzaçəkmə müəssisəsinə köçürtməyə nail olur.

Yeni yerdə Dramqul amansız qaydalar tətbiq edir və bütün nəzarətçilər onun əmrlərini sorğu-sualsız yerinə yetirir. O, Leoneni qəsdən təhrik edərək yeni cinayətə və ya qaçışa sövq etmək, bununla da onun cəza müddətini xeyli artırmaq niyyətindədir. Frenk isə hər cür təzyiq və təxribata dözərək təyin olunan vaxtda azadlığa qovuşmağa çalışır.

Rejissor Con Flinnin çəkdiyi «Həbsxana» (Lock Up) filmi 1989-cu ildə ABŞ-da istehsal olunub. Əsas obrazları Silvestr Stallone, Donald Sazerlend, Con Eymos və Sonni Lendem canlandırıblar.