Snayper

Təcrübəli hərbi atıcı Tomas Bekket uzun müddətdir Panama cəngəlliklərində gizli tapşırıqları yerinə yetirir. Son əməliyyatdan sonra geri çəkilərkən onun köməkçisi düşmən gülləsinə tuş gələrək həyatını itirir. Buna baxmayaraq, rəhbərlik Bekketə vaxt itirmədən növbəti məxfi tapşırığı verir.

Onun yeni hədəfi narkotik ticarəti ilə əlaqəsi olan və dövlət rəhbərliyinə can atan qiyamçı liderdir. Tomasa bu dəfə tərəfdaş qismində Milli Təhlükəsizlik Agentliyinin əməkdaşı Riçard Miller təhkim olunur. Miller idman atıcılığında böyük uğurlar qazansa da, heç vaxt real döyüş meydanında olmayıb.

1993-cü il istehsalı olan «Snayper» filmi ABŞ və Peru kino ustalarının birgə layihəsidir. Ekran işinin rejissoru Luis Llosadır, əsas rolları isə Tom Berencer, Billi Zeyn, C.T. Uolş və Aden Yanq canlandırıb. Layihə eyniadlı franşizanın ilk filmidir.