Mənim yolum

Koreyanın Yaponiya işğalı altında olduğu illərdə gənc Kim Cun-şik bir vaxtlar olimpiya qızılı qazanmış məşhur marafonçu Son Gi-conun uğurunu təkrarlamaq arzusunda idi. Onun idmandakı əsas rəqibi isə tanınmış yapon çempionu Haseqa Tatsuo olur. Cun-şik hərbi xidmətdən uzaq durmaq istədiyi halda, Tatsuo öz ölkəsinə xidmət etməyi böyük şərəf sayırdı.

Lakin müharibənin başlaması hər iki qaçışçının həyatını alt-üst edir. Şərait onları ordu sıralarına qoşulmağa və silah götürməyə məcbur edir. Beləliklə, idman meydançasındakı iki barışmaz rəqib hərbi toqquşmaların və sərt cəbhə sınaqlarının içinə düşür.

Cənubi Koreya istehsalı olan «Mənim yolum» (My Way) hərbi dram filmi 2011-ci ildə rejissor Kan Ce-qyu tərəfindən çəkilib. Ekran əsərinin baş rollarını Can Don-qon, Co Odaqiri, Fan Binbin və Kim İn-qvon canlandırıb.