Zaman

İnsanlar iyirmi beş yaşa çatdıqdan sonra qocalmaqdan xilas olurlar, lakin hər sonrakı dəqiqə valyutaya çevrilir. Bu yaş həddindən etibarən bədəndəki taymer işə düşür və yeganə ödəniş vasitəsi zaman hesab olunur. İmkanlı şəxslər əbədi yaşamaq şansı əldə etdiyi halda, kasıb təbəqə hər günü sağ qalmaq uğrunda mübarizə ilə keçirir. Getto sakini Uill Salas da hər saniyənin dəyərini bilərək yaşamağa çalışır.

Uill soyğunçuların hücumuna məruz qalan varlı Henri Hemiltonu xilas etdikdən sonra vəziyyət tamamilə dəyişir. Həmin zəngin adam minnətdarlıq əlaməti olaraq ona yüz on altı illik ömür bağışlayır. Çox keçmədən Henri öz istəyi ilə həyatına son qoyur və bu hədiyyə Salas üçün təhlükəyə çevrilir. Zaman nəzarətçiləri oğlanı qətldə şübhəli bilərək onun izinə düşürlər.

ABŞ istehsalı olan «Zaman» (In Time) adlı fantastik döyüş və melodram filmi rejissor Endrü Nikkol tərəfindən lentə alınıb. Ekran işi 2011-ci ildə nümayiş olunub. Əsas rolları Castin Timberleyk, Amanda Sayfred, Killian Mörfi və Aleks Pettifer canlandırıblar.