Sahara

1942-ci ilin iyun ayında Şimali Afrikada general Rommelin ordusu ilə toqquşmalardan sonra Amerika tank taborundan geriyə cəmi bircə maşın qalır. Bu zirehli texnikaya serjant Co Qann rəhbərlik edir. Əsas hərbi hissələrə tərəf irəliləyən Qann yolda bir neçə müttəfiq əsgərə rast gəlir və onlar birlikdə hərəkət etməyə başlayırlar.

Susuzluqdan xilas olmaq istəyən döyüşçülər azacıq suyu qalmış bir quyu aşkarlayırlar. Burada qablarını doldurub nəfəs dərəndə məlum olur ki, həmin quyuya doğru böyük bir alman hərbi taboru yaxınlaşır. Həmin düşmən qüvvələri də eyni dərəcədə susuzluqdan əziyyət çəkir.

1995-ci il istehsalı olan bu hərbi döyüş filmi «Sahara» adlanır və ABŞ ilə Avstraliya tərəfindən birgə çəkilib. Ekran əsərinin rejissoru Brayan Trençard-Smitdir. Əsas rolları Ceyms Beluşi, Cerom Elers, Pol Empson və Maykl Massi canlandırıblar.