Dhamaal

Bəxti gətirməyən dörd dost təsadüfən can verən bir mafiya üzvünün yanında peyda olur. Həmin şəxs ölməzdən əvvəl gizlətdiyi yüz milyonun yerini bu dörd gəncə açır. Beləliklə, yoldaşlar xəzinəni ələ keçirmək üçün yola çıxmağa hazırlaşır.

Lakin onların qarşısına illərdir bu cinayətkarın izinə düşmüş müfəttiş Kabir çıxır. On il boyunca mafiyanı təqib edən polis zabiti hədəfindən əl çəkmək fikrində deyil. Tərəflər arasında böyük sərvət uğrunda komik və tələsik bir qaçdı-qovdu başlayır.

«Dhamaal» adlı Hindistan istehsalı macəra və komediya filminin rejissoru İndra Kumardır. 2007-ci ildə ekranlara çıxan ekran əsərində baş rolları Sancay Datt, Riteş Deşmukh, Arşad Varsi və Caved Ceffri canlandırıb.