Oyun

«Game» filmi Yunanıstanın Samos adasında məskunlaşan milyarder Kabir Malhotranın ətrafında cərəyan edir. O, qızı Mayanın avtomobil qəzasında deyil, qəsdən öldürüldüyünü öyrənir. Cinayətdə şübhəli bilinənlər isə İstanbuldakı kazino sahibi Nil Menon, Tailandda yüksək siyasi posta iddialı O. P. Ramsey və aktyor Vikram Kapurdur.

Kabir həqiqi qatili üzə çıxarmaq üçün həmin şəxsləri Afinaya, öz şəxsi adasına çağırır. Dəvətlilər arasında onun digər qızı olduğundan xəbərsiz olan kriminal jurnalist Tişa Xanna da yer alır. Lakin ertəsi səhər Malhotranın meyiti tapılır və hadisələr gözlənilməz istiqamət alır.

Hindistan istehsalı olan bu detektiv triller 2011-ci ildə rejissor Abhinay Deo tərəfindən lentə alınıb. Ekran əsərinin baş rollarını Abhişek Batçan, Kanqana Ranaut, Anupam Kher və Boman İrani canlandırıb.