Ekstremal iş

Narkotiklərlə mübarizə şöbəsinin əməkdaşlarının işləri heç cür uğurla getmir: şübhəlilər əldən çıxır, xidməti maşınlar qəzaya uğrayır, rəhbərlik isə daima onları danlayır. Həmkarları sürətlə vəzifədə yüksəldiyi bir vaxtda, bu dəstə növbəti şans əldə edir. Uğurlu həmkarından narkotacirlər barədə məlumat alan xəfiyyələr cinayətkarların gizləndiyi yerin qarşısındakı boş kafedə pusqu qururlar.

Cinayətkarların həmin məkandan tez-tez yemək sifariş etdiyini öyrənən polislər gizli əməliyyat aparmaq üçün kafeni pulla alırlar. Lakin heç kimin gözləmədiyi halda, xəfiyyələrdən birinin hazırladığı qızardılmış toyuq şəhərdə böyük səs-küy yaradır. Kafe qısa müddətdə müştərilərlə dolub-daşır və polislər xidməti borc ilə qəfil kəşf etdikləri aşpazlıq istedadı arasında qalırlar.

Cənubi Koreya istehsalı olan «Ekstremal iş» (Geukhanjikeop) filmi 2019-cu ildə işıq üzü görüb. Döyüş və komediya janrında çəkilmiş ekran əsərinin rejissoru Li Byon-hondur. Baş rolları Ryu Sın-nyon, Li Ha-ni, Çin Son-qyu və Li Don-hvi canlandırıblar.