Eklavya – Şahzadənin keşikçisi

Gənc şahzadə Harşvardhan anasının dəfn mərasimində iştirak etmək üçün Londondan doğma Devigarta qayıdır. Saraydakı gərgin mühit hələ uşaqlıq illərindən ona rahatlıq vermədiyi üçün vaxtilə Avropaya köçməyi seçmişdi. İndi isə o, ailədəki soyuqluğun əsl səbəbini öyrənməli olur.

Şahzadə anasının ölümqabağı qoyub getdiyi məktubdan xəbər tutur ki, qanuni atası sonsuz olub və sülalənin davamı naminə ana gizli addım atmağa məcbur qalıb. Məktubda varisin əsl atasının adı açılır: o, saray nəsillərinə əsrlərlə sədaqətlə xidmət etmiş qoruyucu Eklavyadır. Ana oğlundan görmə qabiliyyətini itirən bu qocaya sahib çıxmasını və onun rahat qocalığını təmin etməsini rica edir.

«Eklavya» filmi 2007-ci ildə Hindistanda rejissor Vidhu Vinod Çopra tərəfindən çəkilib. Ekran əsərinin baş rollarını Amitabh Baççan, Saif Əli Xan, Sancay Datt və Vidya Balan paylaşıblar.