Əməkdaşlıq

Şimali Koreya sərhəd xidmətinin keçmiş zabiti Ça Gi-son qaçaqmalçılıq üstündə rütbəsindən məhrum edilir. Həbsxanada həyatını itirən xanımının qisasını almaq istəyən keçmiş hərbçi saxta dollar çapı üçün nəzərdə tutulan xüsusi qəlibləri oğurlayaraq xaricdə satmağı planlaşdırır. Məsələnin beynəlxalq miqyasda açılmasından çəkinən rəsmi Pxenyan onun arxasınca arvadı həmin cinayətkar tərəfindən öldürülmüş xüsusi təyinatlı zabit Rimi göndərir.

Qaçaq düşmən Seulda gizləndiyi üçün Şimalla Cənubun xüsusi xidmət orqanları tarixində ilk dəfə birgə əməliyyata başlayır. Rimə nəzarət etmək üçün ona cənublu polis detektivi Kan təhkim olunur, lakin Seul tərəfinə oğurlanmış çap lövhələri barədə heç bir məlumat verilmir. Gizli tapşırıqlar və qarşılıqlı şübhələr şəraitində tərəfdaşlar birgə hərəkət etməyə məcbur qalırlar.

«Gongjo» filmi 2017-ci ildə Cənubi Koreyada rejissor Kim Son-hun tərəfindən komediya elementli kriminal döyüş janrında çəkilib. Baş rolları Hyun Bin, Yu Hae-jin, Kim Joo-hyuk və Jang Young-nam canlandırıblar.