Məftil üstündəki quş

Rik Carmin federal şahidləri müdafiə proqramı çərçivəsində uzun illərdir gizli həyat sürür. On beş il əvvəl onun verdiyi ifadələr narkotik alveri ilə məşğul olan cinayətkar bir polisi dəmir barmaqlıqlar arxasına göndərmişdi. Cəzasını çəkib azadlığa çıxan həmin quldur indi intiqam almaq üçün Carminin izinə düşür.

Rikin keçmiş nişanlısı Mariann Qreyvs ilə təsadüfi qarşılaşması vəziyyəti daha da pisləşdirir. Qadın onu dərhal tanıyır və bu hadisə addım-addım Riki izləyən qatillərin işini asanlaşdırır. Təqibdən birlikdə qaçmağa məcbur qalan keçmiş sevgililər köhnə hisslərini yenidən xatırlayırlar.

«Bird on a Wire» filmi 1990-cı ildə ABŞ-da rejissor Con Bedem tərəfindən çəkilib. Baş rolları Mel Gibson, Qoldi Houn, Devid Kerradin və Bill Dük canlandırıblar.