Zatoiçinin qisası

Kor qılınc ustası Zatoichi yolda can verən bir nəfərlə qarşılaşır və həmin şəxs ona son nəfəsində Taichi adlı birinə pul çatdırmağı vəsiyyət edir. Bir qədər sonra məlum olur ki, bu uşaq həmin dünyasını dəyişən adamın oğludur. Bu ərəfədə kor bir rahiblə tanışlıq da Zatoichinin həyata baxışını dərindən dəyişməyə başlayır.

Şəhər sakinlərini yerli quldurlardan qorumaq istəyən döyüşçü cinayətkarlardan birini uşağın gözü qarşısında öldürür və qəfildən onun qəhrəmanına çevrilir. Nəticədə qılınc ustası seçim qarşısında qalır: o, ya balaca Taichiyə düzgün nümunə olmalı, ya da onu cinayət və əyrilik dolu bir yola sövq etməlidir.

1966-cı ildə istehsal edilmiş «Zatoichi 13: Zatoichi's Vengeance» filmi dramatik macəra və döyüş janrında Yaponiya kinematoqrafçıları tərəfindən çəkilib. Ekran əsərinin quruluşçu rejissoru Tokuzo Tanaka, baş rol ifaçısı isə Şintaro Katsudur.