D-Day

Hadisələr Karaçi və Mumbay şəhərlərində cərəyan edir. İnterpol yüzlərlə insanın ölümünə səbəb olmuş partlayışların təşkilatçısı, təhlükəli cinayətkar İqbal Setin izinə düşməyə çalışır. Xüsusi xidmət orqanları terrorçunu ələ keçirib Hindistanda məhkəmə qarşısına çıxarmaq məqsədilə «Qoldmen» adlı gizli əməliyyata başlayır.

Lakin baş verən yeni partlayış bütün planları alt-üst edir və dörd hindistanlı zabit şübhəli şəxsə çevrilir. Eyni zamanda Nəfisə adlı gənc qadın sadə bir bərbər kimi tanıdığı həyat yoldaşı Vəli Xanın bu hadisələrlə əlaqəsi olduğunu öyrənir. Ailəcanlı bir kişinin gizli agent, yoxsa təhlükəli cinayətkar olduğu sual altına düşür.

2013-cü il istehsalı olan «D-Day» triller filminin rejissoru Nikhill Advanidir. Ekran əsərində baş rolları Rişi Kapur, İrfan Xan, Arcun Rampal və Asif Silavat canlandırıb.