Baron

Çempion boksçu Batır həyat yoldaşına sataşan şəxslərlə əlbəyaxa davaya çıxdıqdan sonra həbsxanaya düşür. Həyat yoldaşı ərini dəmir barmaqlıqlar arxasından qurtarmaq üçün narkotik alverçiləri ilə təhlükəli sövdələşməyə gedir. Bu qərar qadının həyatı bahasına başa gəlir.

Yoldaşının itkisi ilə sarsılan Batır gələcək addımlarını bu cinayətkarlara qarşı yönəldir. O, xüsusi xidmət orqanlarının sıralarına qoşularaq böyük heroin şəbəkəsinin fəaliyyətinə son qoymaq qərarına gəlir.

«Baron» döyüş filmi rejissor Rustam Saqdiyev tərəfindən lentə alınıb. Rusiya və Özbəkistanın birgə istehsalı olan bu ekran əsəri 2016-cı ildə işıq üzü görüb. Əsas rolları Uluqbəy Qədirov, Fərhad Mahmudov, Cavahir Zakirov və Dilnoza Kubayeva ifa ediblər.