Dayanmadan

Transatlantik reys zamanı sərnişinlərin təhlükəsizliyinə cavabdeh olan federal marşal Bill Marks naməlum şəxsdən hədə-qorxu dolu mesajlar almağa başlayır. Təyyarəni hədəfə alan terrorçu vəziyyəti elə qurur ki, bütün şübhələr xüsusi agentin öz üzərinə yönəlir.

ABŞ xüsusi xidmət orqanları tərəfindən hədəf seçilən Marks çıxılmaz durumda qalır. Partlayışa çox az vaxt qalmış o, gizlənən cinayətkarı tapmalı, təyyarədəki insanları və uçuş vaxtı yaxınlaşdığı qadını xilas etməlidir.

«Dayanmadan» adlı döyüş və triller filmini rejissor Jaume Collet-Serra çəkib. ABŞ, Böyük Britaniya, Kanada və Fransanın birgə istehsalı olan bu ekran əsəri 2014-cü ildə işıq üzü görüb. Əsas rolları Liam Neeson, Julianne Moore, Scoot McNairy və Michelle Dockery canlandırıblar.