Yalanlar şəbəkəsi

Milli kəşfiyyat zabiti Rocer Ferris təhlükəli hücumların qarşısını almaq üçün müxtəlif ölkələrə ezam olunur. Mərkəzi Kəşfiyyat İdarəsi silsilə terror aktlarını təşkil edən təhlükəli şəbəkə rəhbərinin izinə düşməyə çalışır. Təcrübəli analitik Ed Hoffman isə peyk rabitəsi vasitəsilə Ferrisin hərəkətlərini qərargahdan addım-addım izləyir.

Ferris hədəfinə yaxınlaşdıqca əməliyyatın gedişatı daha mürəkkəb hal alır. O başa düşür ki, bu amansız mühitdə kiməsə etibar etmək son dərəcə risklidir, lakin sağ qalmağın yeganə yolu da məhz bu münasibətlərdən asılıdır.

ABŞ və Böyük Britaniyanın birgə istehsalı olan «Body of Lies» filmi 2008-ci ildə ekranlara çıxıb. Triller janrındakı ekran əsərinin rejissoru Ridli Skottdur, baş rolları isə Leonardo DiKaprio, Rassel Krou, Mark Stronq və Gülşiftə Fərahani canlandırıb.