Satyamurtinin oğlu

Nüfuzlu sənaye maqnatı Satyamurtinin qəfil vəfatı ailəsini çətin vəziyyətdə qoyur. Doğmaları bir anda var-dövlətdən, cəmiyyətdəki mövqelərindən və evlərindən məhrum olurlar. Bütün bu məhrumiyyətlər ailə üzvlərini bir-birinə daha da yaxınlaşdırır.

Evdəki problemləri həll etmək və yaxınlarını xilas etmək üçün Satyamurtinin kiçik oğlu Anand işə qarışır. O, varlı bir ailə üçün toy şənliyi təşkil etmək tapşırığını boynuna götürür. Lakin tədbirdə gəlinin onun keçmiş nişanlısı olduğunu öyrəndikdə böyük təəccüb hissi keçirir. Buna baxmayaraq, elə həmin mərasimdə gənc oğlan həyatının əsl sevgisi ilə rastlaşır.

«Satyamurtinin oğlu» (S/O Satyamurthy) dramatik döyüş filmi 2015-ci ildə Hindistanda istehsal olunub. Ekran əsərinin rejissoru Trivikram Srinivasdır. Baş rolları Allu Arcun, Upendra, Samanta və Nitya Menen canlandırıblar.