Kənarlaşdırılanlar

On üç il əvvəl Qafqazda keçirilən antiterror əməliyyatı zamanı Andrey Alekseyin həyatını xilas edir. Bu hadisədən sonra onların yolları ayrılır. Aleksey Zaxarov şübhəli pullar hesabına şirkət qurur və vergi, meriya, eləcə də polisdə mühüm postlar tutan keçmiş hərbçi yoldaşları ilə əməkdaşlıq edir.

Böyük sərvətə təkbaşına sahiblənmək istəyən ortaqlar Alekseyi aradan götürmək və onun oğlunu qaçırmaq qərarına gəlirlər. Andreyin uşağı təhlükədən qurtarmaq və Avropadakı anasına sağ-salamat çatdırmaq üçün cəmi üç saat vaxtı qalır.

2022-ci ildə çəkilən Rusiya istehsalı «Kənarlaşdırılanlar» döyüş filminin rejissoru Mixail Poqosvdur. Ekran əsərində əsas rolları Dmitri Klepatski, Vladimir Epifantsev, Oleq Dobrovan və Karina Zvereva canlandırıblar.