22 güllə: Ölümsüz

Marsel cinayət aləminin tanınmış simalarından olan Şarl Matey artıq bu təhlükəli yoldan çəkilmək niyyətindədir. Arxada qalan gərgin illər və irəliləyən yaşı onu sakit bir həyat qurmağa sövq edir. Lakin keçmiş şərikləri onun bu qərarı ilə razılaşmır və sabiq rəhbəri aradan götürmək üçün qəfil hücum hazırlayırlar.

Yaxın məsafədən açılan amansız atəş nəticəsində Şarlın bədənindən düz iyirmi iki güllə çıxarılır. Həkimlərin səyi nəticəsində möcüzəvi şəkildə sağ qalan qəhrəman tezliklə özünə gəlir. İndi onun qarşısında yeganə məqsəd var: xəyanət edən köhnə dostlarını tapmaq və qisasını almaq.

«22 güllə: Ölümsüz» (L'immortel) filmi 2010-cu ildə Fransada istehsal olunub. Ekran əsərinin rejissoru Rişar Berridir. Baş rolları Jan Reno, Kad Merad, Jan-Pyer Darrussen və Marina Fois canlandırıblar.