Uçan Pəncab

Hindistanın şimalında yerləşən Pəncab ştatı böyük bir böhranın təsiri altındadır. Sabitliyini və gələcəyə inamını itirən yerli sakinlər çıxış yolu tapa bilmədikdə zərərli maddələrin təsirinə düşürlər. Bu problem qısa müddətdə kütləvi hal alaraq bütöv bir cəmiyyəti əhatə edir.

Asılılığın caynağına keçən insanlar gündən-günə sosial baxımdan daha da geriləyir və dərin bir tənəzzülə yuvarlanırlar. «Udta Punjab» filmi ağır sosial fəsadların və yayılmış narkotik bəlasının gətirdiyi acı reallıqları nümayiş etdirir.

2016-cı ildə Hindistanda istehsal olunmuş bu kriminal dramın rejissoru Abhişek Çaubeydir. Əsas rolları Şahid Kapur, Alia Bhatt, Karina Kapur və Dilcit Dosanc canlandırıblar.