Jawan

Silahlı dəstə metro qatarındakı sərnişinləri girov götürür. Əsir düşənlər arasında nüfuzlu silah alverçisi Kalinin qızı da var. Hücuma rəhbərlik edən şəxs külli miqdarda pul tələb edir, lakin Kalidən gələn vəsaiti özünə götürmür, kənd təsərrüfatı nazirinin qərarları ucbatından iflas ərəfəsində olan minlərlə fermerin hesabına köçürür.

Girovları sərbəst buraxmazdan əvvəl dəstə başçısı qızdan atasına cəmi iki kəlmə çatdırmağı istəyir: Vikram Rathor. Bu gözlənilməz mesaj hadisələrin arxasındakı əsl məqsədi və keçmişlə bağlı sirri üzə çıxarır.

Hindistan istehsalı olan «Jawan» cinayət döyüş filmi 2023-cü ildə rejissor Atli tərəfindən çəkilib. Əsas rolları Şahrux Xan, Nayantara, Vicay Setxupati və Dipika Padukone canlandırıblar.