Qisas

ABŞ Hərbi Hava Qüvvələrindəki xidmətini başa vuran təyyarəçi Cey Kokren köhnə dostu Tiburon Mendesin dəvəti ilə Meksikaya yola düşür. Mendes böyük torpaq sahibidir, siyasətlə məşğuldur və güman ki, mafiya ilə sıx əlaqələri var. Cey burada, dağlıq guşələrin birində özünə kiçik bir koma da alır.

Lakin Mendesin gənc və gözəl həyat yoldaşı Miriya ilə tanışlıq hər şeyi dəyişir. Təhlükəyə və yarana biləcək nəticələrə məhəl qoymayan qonaqla ev sahibinin xanımı arasında qəfil alovlanan güclü ehtiras baş qaldırır.

Rejissor Toni Skottun 1989-cu ildə ərsəyə gətirdiyi «Revenge» filmi ABŞ və Meksika istehsalıdır. Əsas rolları Kevin Kostner, Medelin Stou, Entoni Kuinn və Xoakin Martines canlandırıblar.