Mizantrop

Baltimorda Yeni il atəşfəşanlığının gurultusu naməlum snayperin atəş səslərini boğur. Şəhərin mərkəzində çoxlu sayda insanı hədəf alan qatil arxasında heç bir iz qoymadan yox olur. FTB müstəntiqi Lammarkın rəhbərlik etdiyi qrup ilk dəqiqələrdən heç bir ipucu tapa bilmir.

Araşdırma prosesində gənc polis əməkdaşı Eleanor Falkonun sərgilədiyi sayıqlıq diqqət çəkir. Cinayətkarın xarakterini və düşüncə tərzini düzgün analiz edən Eleanoru Lammark dərhal təhqiqat qrupuna cəlb edir. İndi onlar dağıdıcı addımlar atan qatili tapmaq üçün birlikdə hərəkət etməlidirlər.

«Misanthrope» filmi ABŞ və Kanada istehsalı olaraq 2023-cü ildə təqdim edilib. Ekran əsərinin rejissoru Damian Sifrondur. Baş rolları Şeylin Vudli, Ben Mendelson, Covan Adepo və Ralf Ayneson canlandırıblar.