Qisas

Xüsusi təyinatlı dəstənin təcrübəli döyüşçüsü Karlos həyat yoldaşının amansızcasına qətlə yetirilməsinin şahidi olur. Baş verən faciədən sonra ədalət axtarışına çıxan və qisas almağa qərar verən qəhrəman gözlənilmədən böyük bir sərvətə sahiblənir.

Əlinə keçən maliyyə imkanlarından istifadə edən Karlos ən müasir silahları alır və şəxsi heyət toplayır. O, yaxınını itirməsinə səbəb olan və həyatını alt-üst edən cinayətkarları tapıb cəzalandırmaq üçün təşkil etdiyi dəstə ilə hərəkətə keçir.

Meksika istehsalı olan «Venganza» kriminal döyüş filminin rejissoru Rodriqo Valdesdir. 2026-cı il ekran əsərində baş rolları Omar Çaparro, Alexandro Speytser, Paola Nunyes və Nataliya Solan canlandırıblar.