Qovluq

Polisdən qaçan Cek Hemmond növbəti avtomobili qaçıraraq izini itirməyə çalışır. Lakin mağazanın yanında patrul əməkdaşlarının diqqətini çəkir və vəziyyətdən çıxış yolu axtarmalı olur. O, Natali adlı gənc qadını girov götürərək onun qırmızı BMW avtomobilində Meksika sərhədinə doğru yola düşür.

Çox keçmədən məlum olur ki, girov düşən Natali multimilyonçu Dalton Fossun qızıdır. Qaçaqların ardınca təkcə ştat polisi deyil, həm də canlı yayım aparan televiziya və radio müxbirləri düşür. Yol boyu baş verən qəribə və gülməli hadisələr fonunda Cek və Natali bir-birini daha yaxından tanıyır və aralarında sevgi yaranır.

1994-cü ildə çəkilmiş «The Chase» macəra komediyasının rejissoru Adam Rifkindir. ABŞ istehsalı olan bu filmdə baş rolları Çarli Şin və Kristi Suonson canlandırıblar.