Tevar

Radhika adlı gənc qız amansız və təkəbbürlü siyasətçi Racender Sinqhin diqqətini çəkir. Qızın gözəlliyinə vurulan siyasətçi hər vəchlə onunla evlənməyi qarşısına məqsəd qoyur. Bu niyyətdən xəbər tutan Radhika təhlükədən yaxa qurtarmaq üçün şəhərdən qaçmağa cəhd edir.

Sinqh qızın ardınca düşərək ona yetişsə də, hadisələr gözlənilməz istiqamət alır. Dostunun qardaşının toy mərasiminə gələn Pintu adlı gənc təsadüfən onların qarşılaşdığı yerə çıxır. Tanımadığı qıza kömək etmək istəyən gənc oğlan amansız siyasətçinin planlarını alt-üst edir.

2015-ci ildə Hindistanda çəkilmiş «Tevar» filmi döyüş, dram və triller janrlarını bir araya gətirir. Ekran əsərinin rejissoru Amit Ravindernath Şarmadır, əsas rolları isə Arcun Kapur, Sonakşi Sinha, Manoc Bacpayi və Dipti Naval canlandırıblar.