Qatil balina

İki rəfiqə gündəlik qayğılardan uzaqlaşmaq və dincəlmək məqsədilə Tailanda yola düşür. Kurortda tanış olduqları Coş adlı gənc oğlan qızlara yerli sahillərin ən mənzərəli, gizli qalmış güşələrini göstərməyi vəd edir. Beləliklə, onlar birgə adi turistlərin ayağı dəyməyən sakit və təcrid olunmuş bir laqunaya üz tuturlar.

Lakin cənnətməkan guşədəki istirahət gözlənilmədən kabusa çevrilir. Əsirlikdən təzəcə qurtulan və illərlə çəkdiyi əzabların əvəzini çıxmaq istəyən nəhəng qatil balina gənclərə hücum edir. Beləcə, «Killer Whale» filminin qəhrəmanları vəhşi dəniz yırtıcısının təhlükəli tələsində qalırlar.

Qorxu, triller və döyüş elementlərini birləşdirən filmin rejissoru Co-Enn Breçindir. ABŞ, Böyük Britaniya və Avstraliyanın birgə istehsalı olan bu ekran əsərində baş rolları Virciniya Qardner, Melani Carnson, Mitçell Houp və Mia Qrünvald canlandırıblar. Ekran işi 2026-cı ildə təqdim olunub.