Epidemiya

Afrikadan gətirilən yoluxmuş meymun vasitəsilə ölümcül virus Amerika Birləşmiş Ştatları ərazisinə yayılır. ABŞ ordusunun yoluxucu xəstəliklər üzrə tədqiqat institutundan polkovnik Sem Denielsin rəhbərlik etdiyi epidemioloqlar qrupu dərhal xəstəliyin mərkəzinə yollanır. Lakin yüksək rütbəli hərbi komandirlər bu virusu illərdir bildiklərini və ona qarşı zərdab hazırladıqlarını Semdən gizlədirlər.

Fəlakətin qarşısını almaq üçün tətbiq ediləcək zərdabı yalnız virusu daşıyan həmin meymunun qanından hazırlamaq mümkündür. Vəziyyəti çətinləşdirən əsas məqam heyvanın harada olduğunun bilinməməsi və alimlərin vaxtının tükənməsidir.

«Epidemiya» (Outbreak) filmi rejissor Volfqanq Petersen tərəfindən çəkilib. 1995-ci ildə ABŞ-da istehsal olunan ekran əsərində baş rolları Dastin Hoffman, Rene Russo, Morqan Friman və Kevin Speysi canlandırıb.