Krallıq 3: Taleyin alovu

Düzənliklərdə qazanılan qələbədən sonra Li Sin kumiri hesab etdiyi general Van Qinin rəhbərliyi altında döyüş bacarıqlarını inkişaf etdirir. Hökmdar İn Çjen bütün Çini vahid dövlətdə birləşdirmək fikrindəykən, Çao qoşunları qəfil Çin torpaqlarına hücum çəkir və bütöv bir şəhərin əhalisini qırır.

Say üstünlüyünə malik düşmənə müqavimət göstərmək üçün orduya kəndlilər cəlb olunur, bu səbəbdən döyüşün taleyi hərbi strategiyadan asılı vəziyyətə düşür. Müşavir komandanlığı general Van Qiyə tapşırmağı təklif edir. Təcrübəli sərkərdə isə yaxınlaşan bu qarşıdurmada Li Sin üçün xüsusi tapşırıq hazırlayır.

2023-cü il istehsalı olan «Kingdom: Unmei no Hono» hərbi dram filmi rejissor Şinsuke Sato tərəfindən çəkilib. Yaponiya istehsalı olan bu döyüş filmində əsas rolları Kento Yamazaki, Ryo Yoshizawa, Takao Osawa və Nana Seino canlandırırlar.