Vəzifə borcunu yerinə yetirərkən 4: Şahid

Amerikalı polislər Mərkəzi Kəşfiyyat İdarəsi vasitəsilə həyata keçirilən qanunsuz narkotik ticarətinin izinə düşürlər. Əməliyyat zamanı xidmət yoldaşları öldürülür. Həyatını itirən zabit son anda yüksək vəzifəli şəxsləri ifşa edən mühüm lent yazısını limanda çalışan sadə bir fəhləyə ötürür.

Lakin həmin şəxs sübutu itirir və niyə təqib edildiyini anlamaqda çətinlik çəkir. O, birdən-birə həm yeganə şahidə, həm də əsas şübhəliyə çevrilir. Fəhlə həm asayiş keşikçilərindən, həm də arxasınca düşən muzdlu qatillərdən canını qurtarmağa çalışır.

1989-cu il Honkonq istehsalı olan «In the Line of Duty 4: Witness» filminin rejissoru Yuen Woo-pingdir. Ekran əsərində baş rolları Cynthia Khan, Donnie Yen, Michael Wong və Yuen Yat-chor canlandırıb.