Hesablaşma saatı

Tərs mühəndislik üzrə mütəxəssis Maykl Cenninqs böyük qonorar qarşılığında gizli bir layihədə işləməyə razılıq verir. Qaydalara əsasən, fəaliyyət başa çatdıqdan sonra onun yaddaşından bu müddət tamamilə silinir. İşini bitirən mühəndis qazancını götürmək üçün banka yollanır, lakin orada gözləmədiyi vəziyyətlə qarşılaşır.

Hesaba nəzər saldıqda məlum olur ki, Maykl bir ay əvvəl doxsan iki milyon dollar dəyərindəki bütün səhmlərindən öz istəyi ilə imtina edib. İndi o, gizli tədqiqatlar zamanı nələrin baş verdiyini və onu belə bir addım atmağa nəyin vadar etdiyini araşdırmalıdır. «Paycheck» filmi qəhrəmanın itirilmiş xatirələrinin izinə düşməsindən bəhs edir.

Ekran əsərinin quruluşçu rejissoru Con Vudur. ABŞ və Kanada istehsalı olan triller 2003-cü ildə işıq üzü görüb. Əsas obrazları Ben Afflek, Uma Turman, Aaron Ekxart və Pol Camatti canlandırıblar.