Qisasçı: Sağ qalma oyunu

Təcrübəli müstəntiq So Do-çhol və onun komandası adi cinayətkarları yaxalamaqla məşğul olduğu bir vaxtda cəmiyyətdə başqa bir fiqur diqqət çəkir. Məşhur videoblogerin dəstəyi ilə Haetae ləqəbli qisasçı xalq arasında böyük rəğbət qazanır. Bu qatil cəzadan yayınan və ya çox yüngül cəza alan cinayətkarları elə onların öz üsulları ilə qətlə yetirir.

Növbəti qurbanın həbsxanadan çıxması ilə birlikdə polis qrupu hərəkətə keçir. So Do-çhol axtarışları gücləndirmək üçün müşayiət zamanı özünü yaxşı tərəfdən göstərmiş gənc bir polisi heyətə daxil edir. Xəfiyyələr gizli qatilin izinə düşsələr də, onun düz gözləri önündə gizləndiyindən tamamilə xəbərsizdirlər.

2024-cü il istehsalı olan «Beterang 2» döyüş filminin rejissoru Ryu Sın-vandır. Cənubi Koreya istehsalı olan bu ekran əsərində əsas rolları Hvan Con-min, Con He-in, O Dal-su və O De-hvan canlandırıblar.