Kod 8

Əhalinin cəmi dörd faizi qeyri-adi güclərə sahib olaraq dünyaya gəlir. Lakin bu bacarıqlar onlara heç bir üstünlük gətirmir: belə insanlar yoxsulluq içində yaşayır və ən çətin işləri görməyə məcbur qalırlar. Qəpik-quruşa işləmək istəməyən bəzi xüsusi bacarıqlı şəxslər isə öz qabiliyyətlərindən cinayət yolu ilə pul qazanmaq üçün istifadə edirlər.

Konnor adlı gənc qanun çərçivəsində qalaraq dolanmağa çalışır. Dürüst yolla qazandığı məbləğ gündəlik ehtiyaclarını belə güclə qarşıladığı üçün vəziyyət getdikcə çıxılmaz hal alır. Nəticədə gənc oğlan da tədricən cinayətkar mühitə daxil olmaq məcburiyyətində qalır.

«Kod 8» adlı qısametrajlı fantastik döyüş filmi 2016-cı ildə ABŞ və Kanada istehsalı olaraq ekranlara çıxıb. Rejissoru Ceff Çan olan layihənin baş rollarını Robbi Amell, Stiven Amell, Son Qan və Çed Donella canlandırıb.