Oğurlanmış qız

Mara ərindən ayrıldıqdan sonra azyaşlı qızını təkbaşına böyüdür və keçmiş həyat yoldaşı Kərimə uşaqla yalnız bəzən görüşməyə icazə verir. Növbəti həftəsonu görüşlərindən biri faciə ilə nəticələnir: ata uşağı gizlicə öz vətəninə, Suriyaya aparır. Rəsmi qurumlara edilən çoxillik müraciətlər heç bir fayda vermir və ana qızını qanuni yolla geri qaytara bilmir.

Gözlənilmədən onun qarşısına keçmiş dəniz piyadası Mitç çıxır və bir təklif irəli sürür. O, dünyanın müxtəlif yerlərində qaçırılan digər uşaqların xilas edilməsi üzrə gizli əməliyyatlarda kömək qarşılığında Maranın qızını qaytaracağına söz verir. Razılaşan ana Mərkəzi Kəşfiyyat İdarəsinin nəzarətindəki təhlükəli proseslərin içinə düşür və yardım təklif edən Mitçin əslində tamamilə başqa məqsədlər güddüyünü anlayır.

«Stolen Girl» filmi ABŞ və Böyük Britaniyanın birgə istehsalıdır. Ekran əsərinin quruluşçu rejissoru Ceyms Kentdir, baş rolları isə Keyt Bekinseyl, Skott İstvud, Mett Kreyven və Ana Qolca canlandırıb.