Qrenlandiya

İnşaat mühəndisi Con Qerriti şəxsi ailə problemləri ilə məşğul olarkən, xəbərlərdə Yerə tərəf şütüyən nəhəng kometadan danışılır. Qonşularla təşkil edilən məclis ərəfəsində o, gözlənilmədən rəsmi bildiriş alır: dövlət onu və ailəsini gizli sığınacaqda qorunmaq üçün seçib. Göy cisminin ilk parçalarının planetə çırpılması və yaranan güclü zərbə dalğası təhlükənin nə dərəcədə real olduğunu dərhal sübut edir.

Ekranda yayımlanan dağıntı görüntülərindən sonra Con həyat yoldaşı və oğlunu maşına mindirərək hava limanına yollanır. Onlar xüsusi yük təyyarələrinə minmək və təhlükəsiz zonaya çatmaq üçün tələsməlidirlər. «Qrenlandiya» filmi ailənin panika içindəki küçələrdən keçərək xilas olmağa çalışdığı təhlükəli səyahətdən bəhs edir.

2020-ci ildə ekranlara çıxan bu filmin rejissoru Rik Roman Vodur. ABŞ və Böyük Britaniyanın ortaq istehsalı olan layihədə baş rolları Cerard Batler, Morena Bakkarin, Devid Denman və Houp Devis canlandırıb.