Ziam

Qlobal iqlim dəyişiklikləri dünyada ciddi ərzaq qıtlığı yaratsa da, Tailand bu böhrandan çıxış yolu tapır. Yerli bir sahibkar həşəratlardan xüsusi qidalar hazırlayır və bazara çıxaracağı yeni balıq məhsuluna böyük ümid bəsləyir. Lakin bu delikatesi dadan ilk şəxs qəfil ağırlaşır, təcili xəstəxanaya çatdırılır və qısa müddətdə yırtıcı bir bədheybətə çevrilir.

Yoluxma dərhal yayılaraq kütləvi zombi epidemiyasına səbəb olur və tibb müəssisəsinin binası tamamilə mühasirəyə alınır. Əlbəyaxa döyüş ustası olan gənc oğlan orada həkim işləyən həyat yoldaşını xilas etmək qərarına gəlir. «Ziam» adlı filmdə baş qəhrəman dəhşətli xaosun içindən keçərək sevdiyi qadını axtarmalı olur.

2025-ci ildə Tailandda çəkilmiş bu layihə döyüş sənəti və qorxu janrlarını birləşdirir. Ekran əsərinin rejissoru Kulp Kaljareukdur, əsas rolları isə Prin Suparat, Nuttanicha Dungwattanawanich, Vayla Wanvayla Boonnithipaisit və Johnny Anfone canlandırıb.